الروآيآت والكآتبآت

طبعآ هذا من اوائل مواضيعي في هذا القسم
وبدون مقدمآت ٫ تعبت وآنا اكتبه لاني عبرت فيه عن كل اللي ب خآطري ..

الروآيآت والكآتبآت .. الله لا هآنكم ٫ قصة طويلة انكتبت ويآ سطور الزمن
..
آذكر يوم كنت شوي صغيره يعني بصف ثاني آو ثالث ابتدائي
كانت امي تقرآ روايه ٫ ودوم تمدحهآ .. كل ما كانت تسولف ويآي
صارت تقول لي : ما شآء الله على الكآتبه & مبدعه الله يخليها لآهلهآ & اسلوب راائع ما شاء الله عنها
كنت اسآلها : تعرفينها ؟ شفتيها ؟
ترد علي دوم : لآ .. بس اقرا روايتهآ
طلبت من امي تخليني اقرآ هاي الروآيه اللي امي دايم تزعجني بطاريها ٫ لدرجه اني تحمست لهآ
فتحت لي الموقع وقمت اقرآ ملاحظت بسيطه كتبتها الكآتبه ..
وبعدهآ بدت بمقدمه ٫ مادري شو اقول لكم ٫ كلمه ابدآع شوي عليهآ
كآنها توصف شي . بس وصفهآ رهييب .. بعدهآ بدت بكتابه اسمآء الشخصيآت
وكآن الوصف واقعي .. مب مثل الروايات هاي الآيام » كله وصف اجانب ولازم تكون ملكه جمآل ! «
قريت الروايه وامي وياي ٫ اذا ما فهمت شي هي تفهمني السالفه وكيف صارت و .. إلى آخره
تابعت الروايه وكنت اتحمس لها وودي اعرف كل شي عنهآ .. كان اسلوبها مميز
ف كل شي .. ترتيب الآحداث ٫ تتآبع الآحدآث ٫ العقده والحبكه ٫ الحلول ٫ الآفكآر المميزه اللي حطتهم بروايتهآ
خلصت الروآيه وانا ما ودي اخلصها .. طبعأ كانت روايه طويله لدرجه انه انا واممي تآبعنآهآ سنتين !
خلصتهآ .. وقمت قريتها مره ثانيه ٫ ليش ؟ لانها غيير عن كل روايه ف ها الوقت .
كانت تكتب عامي و عربي فصيح .. كآنت تضيف معاني رائعه
وكل ها وهي بس بصف آول ثآنوي ..
.
.
.
:dn2:
طيب ما علينآ ٫ ندخل بموضوعنآ
بعد مرور سنتين من السنه اللي خلصت فيها الروايه
قلت للكاتبه عن كل شي ٫ عني انا وامي .. وطلبتها لو تكتب روايه ثانيه
لكن ! قالت لي انها مشغوله وعندها دراسه وما تقدر تكتب ٫ فما قلت لا
قررت اقرا روايه ثانيه . وبنفس الموقع
بس يا ليتهم يقدرون يوصلون لجزء من ابدآع الروايه الآولى
اولآ : الوصف عجيييب .. البنت شعرها اشقر وبيضا وعيونها تهبل ولونهم ازرق
والبطل لازم يكون جميل ويهبل . انزين ليش ؟ لازم الابطاال يكونون بها الجمآل ؟
يعني اذا بينهم حب ترآ عبله حبت عنتر ٫ وما كان حلو لدرجه وصفكم ..
ثآنيا : لعبه القدر ع قولتكم … صرآحه عقلي ما يقدر يصدق كيف .. اوكي بنقول قدر وصدفه
بس احس ان الكآتبآت يبالغون مرررره ..
ثآلثآ : الآفكآر … اتحداكم تقرون روايتي وما تلقون انهم مثل الفكره … واحد حب وحده وهي ما تحبه ٫ هاي الوحده تحب واحد ثاني .. وها الثاني يحب وحده ثانيه ..
ويقوم ابوها يغصبها ع اللي ما تحبه وهو مستانس .. وتصير ضرايب وهي تتمنى لو تروح عند الثاني .. وآخر شي يحبون بعض .. والله وانا اقرآ الروايات
صدقوني اقول ها بيحب هاي .. وهذاك بيحب هاذي .. وهذي البنت بتكره ها .. والله كل شي واضح
حاولت القى روايه حلوه فكرتها غييير ٫ ما لقيت ..
رابعآ : الجرآءه القويه … تيي بنت عمرها ١٣ او ١٤ وتكتب روايه بمنتهى الجرآءه .. وتعرف انه مستحيل يصير ها الشي .. بس تريد تكتب
طيب في ناس ما تحب الروايات الجريئه مثل جي .. يعني انتي صغيره اكتبي روايه ع قدك ٫ وانا ما احرمكم من كتابه روايه جريئه ٫ بكيفكم
بس انا هني علشان اكتب اللي ف خاطري ..
خامسآ : العايله لازم تكون غنيييييه ٫ يسافرون ف العطلات ل لندن ٫ نيويورك ٫ باريس .. والله مرات ما اقدر اصدق ان هاي روايه ..
اوك في ناس موجودين واغنيا ٫ بس لازم الاب يكون عنده شركات .. والابن يلبس اغلى الماركآت ٫ البنت تكون مغروره وتلبس احلى الملابس
اوك انا مستوى الدخل عندنآ متوسط ٫ والبس احلى الملابس واخواني يسافرون برآ ف العطلات » بس ما يريدوني هههع «
يعني مب شرط يكون البطل وعايلته مررره غني .. عاد احسكم مزودينهآ ٫ اكتبوا لنا شي واقعي نقدر نصدقه
سادسا : بعض الاحداث اصلا ما تصير ف مجتمعنآ .. مثل ان البنت يوم عايلتها فري .. تلبس ملابس عاريه وعادي عندها ٫ والشباب يقعدون يمدحونها ؟ بالله عليكم
ابا وحده منكم تقول لي عن بنت تلبس مثل جي وشافت شباب يمدحونها ؟ اصلا شباب الاسلام ما بيمدحون بوحده **** اسمحولي ٫ بس انا هني اكتب عن الواقع ويا رواياتكم !
اكتبي انها بتلبس قصير بس ع الاقل فوقه عباه .. انزين آنا ما اتحجب ما بجذب عليكم .. والبس قصير بس والله البس عباه واحط الشيله ع راسي ..
عايلتنا فري … بس مب مثل الروايات ٫ امي غير ابوي غير اخواني وخواتي غير .. والله يا ناس انا اشوف ف الروايات شي ثاااني
سابعا : الخيال وما اريد احرمكم منه … لان في ناس تحب الاشياء الخياليه وفي ناس تحب الواقع ٫ تريدين البطله جمييله قومي اكتبي ان امها هنديه او امريكيه او فرنسيه وبنصدق ٫
نعرف ان الاجنبيات كلهم حلوات بس ترا فيهم الشين والحلو ٫ وحتى عندنا ف الخليج .. في بنات ما شاء الله عنهم جماال .. وفي بنات متوسط حالهم ..

.
.
.
ما علينآ من ها الحين .. انا دخلت القسم اكتب عن الروآيآت والكآتبات ف هاي الآيام
وطلبت منكم تشاركوني رايكم .. بالاخص البنآت اللي قروا لهم لو ع الاقل روايه وحده !

الاختلاف لا يفسد ف الود قضيه